कर्णाली प्रदेशका निमित्त प्रमुख प्रहरी वरिष्ठ उपरीक्षक (एसएसपी) राजेशनाथ बास्तोलाको फेरि सरुवा भएको छ।
दुई महिना अघि मात्रै कर्णाली प्रदेशको निमित्त प्रमुखका रुपमा काज सरुवा गरिएका बास्तोलालाई अहिले प्रदेश नं १ तालिम केन्द्रमा काज सरुवा गरिएको प्रहरी प्रधान कार्यालयले जानकारी दिएको छ।
बास्तोला दुई महिनामै दोस्राेपटक काज सरुवा भएका हुन्। वैशाख १९ गते तत्कालीन डीआईजी गणेशबहादुर ऐरले अवकाश पाउने भएपछि त्यसअघि नै बास्तोलालाई सरुवा गरिएको थियो।
स्थानीय तहको चुानावलाई लक्ष्य गरी बास्तोलालाई त्यहाँ पठाइएको थियो। तर ब्याचीहरु डीआईजीमा बढुवा भएपछि बास्तोला असन्तुष्ट थिए। उनलाई पुनः प्रदेश नं १ तालिम केन्द्रमा प्रमुखको जिम्मेवारी दिइएको हो।
प्रहरीमा लगातार इन्चार्ज नदिइने भए पनि बास्तोलालाई भने लगातार राम्रो ठाउँमा काजमा सरुवा गरिएको हाे।
विमानस्थल सुरक्षा कार्यालयको प्रमुखबाट सरुवा भएका बास्तोलाको प्रहरी प्रधान कार्यालयको सुरक्षा महाशाखामा दरबन्दी छ।
Shares
प्रतिक्रिया