युनिकोड
चक्रवात मोन्थाले भारतका चार प्रदेशमा असर गरेको छ।
भारतीय सञ्चारमाध्यमका अनुसार भारतका आन्ध्र प्रदेश, तमिलनाडु, पश्चिम बंगाल र ओडिसामा ८०-९० किलोमिटर प्रतिघण्टाको गतिमा हावा चलिरहेको छ।
धेरै ठाउँमा रूखहरू उखेलिएका छन् र समुद्र तटहरूमा अग्ला छालहरू उठेका छन्।
चारै तटीय राज्यका तटीय क्षेत्रहरूबाट ५० हजारभन्दा बढी मानिसहरूलाई सुरक्षित स्थानमा सारिएको छ।
चक्रवाती आँधी 'मोन्था' मंगलबार राति आन्ध्र प्रदेशका मछलीपट्टनम र कलिंगपट्टनमको बीच दक्षिणमा काकीनाडा हुँदै गएको थियो।
भारतीय मौसम विभागका अनुसार, यो अब थोरै कमजोर भएको छ।
यो भीषण चक्रवाती आँधी मंगलबार साँझ ७ बजे आन्ध्र प्रदेशको काकीनाडानजिकै जमिनमा ठोकिएको थियो।
आँधीले मंगलबार साँझसम्म राज्यका धेरै भागमा भारी वर्षा गराएको थियो।
यसैबीच यसको असरले नेपालमा पनि बिहीबारदेखि शनिबारसम्म व्यापक वर्षा र हिमपात गराउने आकलन गर्दै सबैलाई सतर्क रहन मौसमविद्ले सुझाव दिएका छन्।
हेर्नुहोस् भारतमा मोन्था प्रवेशपछिका १५ दृश्य-
प्रतिक्रिया