युनिकोड
चीनले इरानमा भएको आक्रमणको निन्दा गरेको छ।
इजरायल र अमेरिकाले इरानमा हवाई हमला गरी त्यहाँका सर्वोच्च नेता अयातोल्लाह अली खामेनीको हत्या गर्नु संयुक्त राष्ट्र संघको बडापत्रको उद्देश्य र सिद्धान्त विपरीत भएको टिप्पणी चीनको विदेश मन्त्रालयले गरेको हो।
चीनको विदेश मन्त्रालयले भनेको छ, ‘इरानको सर्वोच्च नेतामाथि हमला तथा उनको हत्या इरानको सार्वभौमसत्ता र सुरक्षाको गम्भीर उल्लंघन हो। यो कदम संयुक्त राष्ट्र संघको बडापत्रको उद्देश्य र सिद्धान्त र अन्तर्राष्ट्रिय सम्बन्धको आधारभूत मान्यता विपरीत छ। चीन यसको कडा विरोध र निन्दा गर्दछ।’
चीनले शान्ति कायम गर्न अपिल पनि गरेको छ।
उसले भनेको छ, ‘हामी सैन्य कारबाही तत्काल रोक्न र तनावपूर्ण स्थितिलाई थप बिग्रन नदिन आह्वान गर्दछौँ। साथै हामी मध्यपूर्व र सम्पूर्ण विश्वमा शान्ति र स्थायित्व कायम राख्न आह्वान गर्दछौँ।’
यस्तै रुसका राष्ट्रपति भ्लादिमिर पुटिनले पनि इरानमा आक्रमण र खामेनीको हत्याको कडा विरोध गरेका छन्।
उनले भनेका छन्, ‘अली खामेनी र उनको परिवार मारिनु मानव नैतिकता र अन्तर्राष्ट्रिय कानुनविरुद्धको हत्या हो।’
प्रतिक्रिया