ग्लोबल


कोरोनाबाट लन्डनमा पहिलो नेपाली महिलाको मृत्यु, थप १० जनाको मृत्युको कारण खुलेको छैन

कोरोनाबाट लन्डनमा पहिलो नेपाली महिलाको मृत्यु, थप १० जनाको मृत्युको कारण खुलेको छैन

बेलायतमा कोरोना संक्रमणले भयावह रुप लिएसँगै नेपालीको मृत्युको संख्या दिनदिनै बढिरहेको छ। आइतबारसम्म कोरोनाबाट मृत्यु हुने नेपालीको संख्या आठ पुगेको छ भने गत हप्ता मृत्यु भएका दश जना पूर्व गोरखाको कारण खुल्न बाँकी छ।

लन्डनको सडवरी टाउन बस्ने ३९ वर्षीया पुष्पा घलेको कोरोनाकै कारण शनिबार मृत्यु भएको छ। उनी बेलायतमा कोरोनाबाट ज्यान गुमाउने आठौं नेपाली हुन् र, अहिलेसम्म पुष्टि भएकामध्ये पहिलो महिला हुन्।

पुर्ख्यौली घर कास्की पोखरा भएकी घलेको स्वास्थ्य स्थिति खराब भएसँगै शनिबार अचानक श्वासप्रश्वासमा पनि गाह्रो भएपछि नर्थवीक पार्क अस्पताल भर्ना गरिएको थियो।

अस्पताल पुर्याएको करिब ४ घण्टामा घलेको मृत्यु भएको हो। एक केयर होममा काम गर्दै आएकी घले श्रीमानसँग १० वर्षदेखि लन्डनमा बस्दै आएकी थिइन्। उनीहरूका एक छोरा छन्।

घलेको मृत्यु भएपछि परिवारका सबै जना आइसोलेसनमा बसेका छन्।

घलेसँगै बेलायतमा पूर्व गोरखा र अन्य सहित आठ जना नेपालीको मृत्यु कोरोना संक्रमणले भएको पुष्टि भएको छ। नेपालखबरले प्राप्त गरेको अर्को एक सूचीमा एक हप्ताभित्र बेलायतमा मृत्यु भएका थप १० जना पूर्व गोरखा सैनिकको नाम छ। तर उनीहरूको मृत्यु कोरोना संक्रमणले भएको हो वा अन्य कारणले पनि हो भन्ने पुष्टि भइसकेको छैन।

बेलायतमा कारोना संक्रमणबाट आइतबार एकै दिन ७ सय ३७ जनाको मृत्यु भएको छ। कोरोना संक्रमणबाट बेलायतलमा हालसम्म १० हजार ६ सय १२ जनाको मृत्यु भएको छ भने ८४ हजारभन्दा बढी यो संक्रमित भएका छन्। 

 

चैत ३०, २०७६, आइतबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
सुरेन्द्र रिजाल
निर्देशक, अटो संस्करण
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad