युनिकोड
बुधबार कतारको राजधानी दोहामा इरान र अमेरिकाबिच वार्ता भइरहेको छ।
यस विषयमा जानकार स्रोतका आधारमा रोयटर्सले यो दुई देशबिच अप्रत्यक्ष प्राविधिक वार्ता भएको जनाएको छ।
रिपोर्टमा कतार र पाकिस्तानले जारी वार्तामा मध्यस्थकर्ताका रूपमा काम गरिरहेको पनि उल्लेख गरिएको छ।
स्रोतका अनुसार अमेरिकाका राष्ट्रपति डोनाल्ड ट्रम्पका दूत स्टिभ विटकफ र ज्वाइँ जारेड कुसनरले वार्ता तयारीका लागि मंगलबार कतारका प्रधानमन्त्रीसँग भेटेका थिए।
यद्यपि बुधबारको वार्तामा उनीहरू दुवै सहभागी छैनन्।
जुन १७ मा इरान र अमेरिकाबिच १४ बुँदे समझदारीपत्र (एमओयू) मा हस्ताक्षर भएको थियो।
त्यसपछि जुन २१ मा अमेरिका, इरान, पाकिस्तान र कतारबिच स्विट्जरल्यान्डमा उच्चस्तरीय शान्ति वार्ताको पहिलो चरण छलफल भएको थियो।
जसले लडाइँ रोकेको थियो। तर पछिल्ला केही दिनमा अमेरिका र इरानले हर्मुज स्ट्रेटमा एकअर्काविरुद्ध आक्रमण गरेका छन्।
दुवै देशले एकअर्कालाई युद्धविराम उल्लंघन गरेको आरोप लगाएका छन्।
प्रतिक्रिया