युनिकोड
अमेरिकाका राष्ट्रपति डोनाल्ड ट्रम्पले रुस र युक्रेनबीच जारी युद्ध अन्त्य हुने सम्भावना देखिएको दाबी गरेका छन्।
रुसका राष्ट्रपति भ्लादिमिर पुटिन र युक्रेनका राष्ट्रपति भोलोदोमिर जेलेन्स्कीसँग बुधबार फोनमा कुराकानी गरेका ट्रम्पले बिहीबार सामाजिक सञ्जालमार्फत रुस-युक्रेन युद्ध अन्त्य हुने राम्रो सम्भावना रहेको जानकारी दिएका हुन्।
ट्रम्पले आफ्नो सोसल ट्रुथ अकाउन्टमा एउटा पोस्टमा लेखेका छन्, ‘हामीले हिजो (बुधबार) रुस र युक्रेनसँग गज्जब कुराकानी गर्यौँ। युद्ध अन्त्य हुने राम्रो सम्भावना छ।’
रुस र युक्रेनबीच २०२२ फेब्रुअरीदेखि युद्ध जारी छ। त्यसयता अमेरिका र पश्चिमी देशहरूसँग रुसको तनाव बढेको छ।
रुस र युक्रेन युद्धमा नेपालीहरू समेत होमिएका छन्।
प्रतिक्रिया