युनिकोड
बंगलादेश सरकारले देशभर इन्टरनेट सेवा बन्द गर्न आदेश दिएको छ।
सोबमोजिम त्यहाँ देशभर इन्टरनेट सेवा बन्द भएको बीबीसीले जनाएको छ।
बंगलादेशमा सबैभन्दा बढी पढिने समाचार वेबसाइट ढाका ट्रिब्युन र यसको सहयोगी प्रकाशन कम्पनी बंगला ट्रिब्युन दुवै अफलाइन भएका छन्।
अर्को समाचार वेबसाइट डेली बंगला स्टार पनि बन्द भएको छ।
आरक्षणविरोधी आन्दोलनका कारण केही समयदेखि बंगलादेश तनावग्रस्त छ।
आइतबार मात्र प्रहरी र प्रदर्शनकारीबीच झडप हुँदा ९० जनाभन्दा बढीको ज्यान गएको छ।
बंगलादेशमा सरकारी जागिरमा कोटा खारेज गर्न माग गर्दै जुलाईदेखि विद्यार्थी आन्दोलनमा छन्।
यो आन्दोलनमा देशमा ठूलो हिंसा र आगजनी भएको छ।
जसमा अहिलेसम्म झन्डै ३ सय जनाको मृत्यु भइसकेको छ।
प्रतिक्रिया