पोल्याण्डमा खस्यो रुसी मिसाइल दुईजनाको मृत्यु

रुसले प्रहार गरेको मिसाइल पोल्याण्डमा खसेको छ।

पोल्याण्डको विदेश मन्त्रालयले दिएको जानकारीअनुसार रुसको मिसाइल पर्जेवोडो गाउँमा खसेको हो। यो गाउँ युक्रेनको सीमानजिकै छ। स्थानीय समयअनुसार मंगलबार दिउसो उक्त मिसाइल पोल्याण्डमा खसेको हो। 

मिसाइलको कारण दुई पोल्याण्डका नागरिकको मृत्यु भएको विदेश मन्त्रालयले बताएको छ।

पोल्याण्डको विदेशमन्त्रालयले यस बारेमा तत्काल जवाफ दिन रुसी विदेशमन्त्रीलाई बोलाएको छ। रुसले पुनः युक्रेनमाथि गरेको भीषण आक्रमणको क्रममा मिसाइल पोल्याण्डमा पुगेको हो। 

पोल्याण्डले यस विषयमा जानकारी दिँदै घटनाबारे अनुसन्धान भइरहेको बताएको छ।

साथै उक्त क्षेत्रमा सुरक्षा सतर्कता पनि बढाइएको उसले बताएको छ।