गण्डकीको बजेटमा स्वास्थ्यलाई प्राथमिकता, ३ अर्ब ७० करोड विनियोजन

स्वास्थ्य र शिक्षामा विशेष जोड दिइएको गण्डकीले स्वास्थ्य मन्त्रालयको लागि आर्थिक वर्ष २०८२/०८३ को बजेटमा ३ अर्ब ७० करोड ३२ लाख रुपैयाँ विनियोजन गरिएको छ।
 
अर्थमन्त्री डा.टकराज गुरुङले आर्थिक वर्ष २०८२/०८३ को बजेट प्रस्तुत गर्दै सो जानकारी गराएका हुन्। उनले क्यान्सर रोगमा आर्थिक सहायता, सुत्केरी महिलाको हवाइ उद्धार कार्यक्रमलाई निरन्तरता दिएको बताए। 

यस्तै, सामाजिक विकास मन्त्रालयको लागि २ अर्ब ३९ करोड विनियोजन गरिएको छ। अर्थमन्त्री डा.टकराज गुरुङले आर्थिक वर्ष २०८२/०८३ को बजेट प्रस्तुत गर्दै सो जानकारी गराएका हुन्। 

वन मन्त्रालयलाई १ अर्ब ६ करोड ५० लाख ४० हजार र कृषि मन्त्रालयलाई २ अर्ब ८ करोड रकम विनियोजन गरिएको छ।