तनहुँमा ५ दिनदेखि बेपत्ता गोरखाका युवक मृत भेटिए

तनहुँमा पाँच दिनदेखि बेपत्ता गोरखाका एक युवा मृत फेला परेका छन्।

प्रहरीका अनुसार गोरखाको नौकिलो घर भएका ३० वर्षीय राहुल कुमाल आज तनहुँको आँबुखैरेनी गाउँपालिका-२ एक्लेफाँटस्थित मर्स्याङ्दी नदीमा मृत भेटिएका हुन्। 

तनहुँ जिल्ला प्रहरी कार्यालयका प्रहरी नायब उपरीक्षक अशोक थापाका अनुसार एक्लेफाँटस्थित ऐना होटलमा काम गर्ने कुमाल यही चैत ५ गतेदेखि बेपत्ता थिए।

शसस्त्र प्रहरी बल मनकामना गण भानुको टोलीले खोजतलास गर्ने क्रममा उनको शव फेला पारेको प्रहरीले जनाएको छ।