युनिकोड
आज बिहान ९ बजे पोखराबाट काठमाडौँ उड्न लागेको बुद्ध एयरको विमान दुर्घटनाबाट जोगिएको छ।
बुद्ध एयरका पोखरा प्रमुख गौतम बरालका अनुसार उडान नम्बर ६५२ को विमानले सबै यात्रु चढाएर उड्नै लाग्दा एक यात्रुले विमानको आपत्ंकालीन ढोका अचानक खोलिदिएका हुन्।
त्यसपछि सो उडान रद्द गरी त्यसका यात्रुहरूलाई अर्काे विमानमार्फत काठमाडौँ पठाइएको बुद्ध एयरले जनाएको छ।
यसैबीच सोही विमानका एक यात्रुले आज धन्न बाँचिएको बताएका छन्।
यादव देवकोटाले आफ्नो एक्स ह्यान्डलमा विमानको तस्बिरसहित लेखेका छन्, ‘अहिले भर्खर बुद्ध एयरको ९:०० बजेको पोखरा काठमाडौँ उडानका लागि प्लेन चढियो। चढिवरी प्लेन स्टार्ट भएपछि इमरजेन्सी ढोका स्वाट्ट भित्र आयो। जहाजमा यात्रुहरूको कोलाहल। उडिसकेपछि यस्तो भएको भए के हुन्थ्यो होला! धन्न बाँचियो भन्ने त होला नि!’
अहिले भर्खर बुद्ध एयरको ९:०० बजेको पोखरा काठमाडौं उडानका लागि प्लेन चढियो। चढिवरी प्लेन स्टार्ट भएपछि इमरजेन्सी ढोका स्वाट्ट भित्र आयो।
— Yadab Devkota (@gaunkomanchhey) December 21, 2023
जहाजमा यात्रुहरूको कोलाहल।
उडिसकेपछि यस्तो भएको भए के हुन्थ्यो होला?
धन्न बाँचियो भन्ने त होला नि ! pic.twitter.com/p4vauGKvJc
प्रतिक्रिया