भरियो पर्वत अस्पताल, दैनिक आउँछन् कोभिडसँग मिल्दो लक्षण भएका २ सय बिरामी

पछिल्लो एक सातायता पर्वत अस्पतालमा बिरामीको चाप  बढेको छ। अस्पतालमा दैनिक ज्वरोका मात्र दुई सयभन्दा बढी बिरामी उपचारका लागि आउने गरेका छन्। 

ज्वरो, रुघाखोकीलगायत कोभिड–१९ सँग मिल्दोजुल्दो लक्षण भएका बिरामी उपचारका लागि आउने गरेका अस्पतालका मेडिकल सुपरिटेन्डेन्ट डा रुक्मिना अधिकारीले जानकारी दिनइन्। 'पहिलाभन्दा दोब्बरले बिरामीको सङ्ख्या बढिरहेको छ,' उनले भनिन्।

दूषित पानीको प्रयोगका कारण बिरामीको सङ्ख्या बढेको हुनसक्ने उनको भनाइ छ। ज्वरो, रुघाखोकी, टाउको दुख्ने, वान्ता आउनेलगायत बिरामीका लक्षण देखिने गरेको छ। मौसम परिवर्तनका समयमा यस्ता बिरामी बढ्ने डा. अधिकारी बताउँछिन्। 

कोभिड–१९ सँग मिल्दोजुल्दो लक्षण भए पनि अस्पतालले परीक्षण भने गरेको छैन ।

अस्पतालका ५६ शय्यामा बिरामीले भरिएका छन्।