युनिकोड
उनको नाच्ने, हसाउने र रुवाउने कलाले सबै मोहित बनेका थिए। गोविन्दाको अन्तिम चलचित्र रंगीला हो। त्यस चलचित्र सुपरहिट नबने पनि उनको अभिनयको चर्चा भने भएको थियो।
हालै गोविन्दा भारतीय चर्चित टेलिभिजन ‘आप का अदालत’मा अतिथिका रुपमा पुगेका थिए। सो क्रममा उनले एक सनसनीपूर्ण खुलासा गरे।
गोविन्दाका अनुसार हलिउड चलचित्र ‘अवतार’मा एक भूमिकाका लागि उनलाई समेत अफर आएको थियो।
तर गोविन्दाले उक्त भूमिकालाई इन्कार गरिदिए। आफूले चलचित्रको नाम ‘अवतार’ जुराइदिएको समेत उनको दाबी रहेको छ।
अवतार चलचित्र जेम्स क्यामेरुनले निर्देशन गरेका थिए। जेम्सले नै गोविन्दालाई फिल्मका लागि अफर गरेका थिए।
भिडियो
तर निर्देशकको सर्त सुनेपछि गोविन्दाले चलचित्रमा काम नगर्ने बताएका थिए। गोविन्दाका अनुसार उक्त चलचित्रमा आफूले शरीरमा रङ लगाउनु पर्ने थियो।
साथै निर्देशकको विचार सुनेपछि उक्त चलचित्र ७ वर्षमा मात्र बनिसक्ने समेत गोविन्दाले बताएका थिए। जुन उनीहरु ४ सय १० दिनमा बनाउन चाहन्थे।
सन् २०१९ मा बनेको चलचित्र अवतार सन् २००९ देखि सन् २०१९ को जुन महिनासम्म अर्थात् दशवर्ष विश्वकै सर्वाधिक कमाई गर्ने चलचित्र बन्यो।
सन् २०१९ को जुलाईदेखि भने ‘एभेन्जर्स इण्ड गेम’ विश्वको सर्वाधिक कमाई गर्ने चलचित्र बनेको छ। एजेन्सी
प्रतिक्रिया