युनिकोड
दीपकराज गिरीको फिल्म ‘छ माया छपक्कै-२’ मा अभिनेत्री सनिशा भट्टराईको प्रवेश भएको छ।
निर्माण टिमले सनिशा अनुबन्धित भएकोबारे जानकारी दिएको हो। यसअघि सनिशाले ‘१२ गाउँ’ र ‘नरसिंहा: अवतार’ मा अभिनय गरिसकेकी छन्।
सोमबार बिहान भक्तपुरस्थित सूर्यविनायक मन्दिरमा शुभमूहर्त गरिएको थियो। शुभसाइत पूजापछि निर्माण टिम ४० दिनको तालिकासहित छायांकनमा निस्केको छ। फिल्मको सुटिङ पोखरा, नुवाकोट र काठमाडौँमा छायांकन हुनेछ।
यो फिल्म सन् २०१९ को चर्चित फिल्म ‘छ माया छपक्कै’ को दोस्रो श्रृंखला हो। दीपेन्द्र लामाको निर्देशन रहेको यस फिल्मले सामाजिक-राजनीतिक कथावस्तुलाई समेटेको छ।
फिल्मको पटकथा दीपेन्द्रसहित दीपकराजले लेखेका हुन्। फिल्ममा दीपक र सनिशासहित केकी अधिकारीलाई मुख्य भूमिकामा देख्न पाइनेछ। फिल्ममा दीपाश्री निरौला र निर्मल शर्मा लगायतको अभिनय रहनेछ।
रोहित अधिकारी निर्माता रहेको फिल्मको कार्यकारी निर्मातामा निर्मल शर्मा र सुरज बम ठकुरी हुन्। यो फिल्म आगामी दशैँमा रिलिज हुने बताइएको छ।
प्रतिक्रिया