‘पहाड’ को ट्रेलरमा बेरोजगारीले गाउँ रितिएको कथा (भिडिओ)

वैशाख १ गतेबाट रिलिज हुने फिल्म फिल्म ‘पहाड’ को ट्रेलर सार्वजनिक गरिएको छ। सार्वजनिक ट्रेलरमा फिल्मको कथावस्तुलाई चित्रण गरिएको छ। बेरोजगारीले गर्दा गाउँ रितिएको कथालाई ट्रेलरमा समेटिएको छ।

फिल्मले अहिलेको नेपाल समसामयिक विषयमा उठान गरेको निर्देशक तथा लेखक तुलसी घिमिरेले जानकारी दिए। उनले भने, ‘पहाड सन्दर ठाउँ हो, हामीले सुन्दरता र सद्भावसँगै रित्तो हुँदै गईरहेको पहाडको कथालाई चित्रण गरेका छौँ । यो कथा पहाडमा सेटअप गरिएको भएपनि यो समग्र देशकै चित्रण हो ।’

फिल्म ‘पहाड’ मा दनकृष्ण श्रेष्ठ, विपिन कार्की, रविन्द्र सिंह बानियाँ, सुनिल थापा, रेनुनाथ योगी, उमा गिरी, अरुण क्षेत्रीसँगै नव अभिनेत्री पञ्चमी घिमिरेको अभिनय रहेको छ। 

यस फिल्ममा युवा जनशक्ति विदेश पलायन हुँदा खाली भएका पहाड र यसले ल्याउने सामाजिक र आर्थिक समस्यालाई चित्रण गरिएको छ ।