युनिकोड
रणवीर सिंह अभिनीत बलिउड फिल्म ‘धुरन्धर २’ धेरै कमाउने आठौं भारतीय फिल्म बनेको छ। आठदिनमा विश्वभर एक हजार ६७ करोड कमाउँदै यो फिल्म सर्वाधिक कमाइ गर्ने आठौं फिल्मको सूचिमा पर्न सफल भएको हो।
योसँगै ‘धुरन्धर २’ ले ‘पठान (१,०५५ करोड)’ ‘कल्की २८९८ एडी (१,०४२ करोड)’ लाई लाइफटाइम कलेक्सनको रेकर्ड तोडेको छ।
फिल्मले रिलिजको आठौं दिन (बिहिबार) भारतमा ४९.७० करोड भारतीय रुपैयाँ कुल कमाई गरेको छ। भारतमा ‘धुरन्धर २’ को नेट कलेक्सन ६७४.१७ करोड पुग्दा कुल कलेक्सन भने ८०५.३२ करोड पुगेको छ।
‘धुरन्धर: द रिभेन्ज’ बलिउडकै सुपरहिट फिल्म ‘धुरन्धर’ को सिक्वेल हो। यस फिल्ममा रणवीर सिंह गुप्तचर एजेन्टको भूमिकामा देखिएका छन्। साथै फिल्ममा सञ्जय दत्त, अर्जुन रामपाल र आर माधवन लगायतको अभिनय छ।
गत ५ डिसेम्बरमा रिलिज भएको ‘धुरन्धर’ले बक्सअफिसमा ठूलो सफलता हात पारेको थियो। पहिलो भागले विश्वभर १३०७ करोड भारु कमाएको थियो।
प्रतिक्रिया