डेब्यु फिल्म रिलिज नहुँदै अबिषेकको हातमा नयाँ फिल्म, ‘श्रीनिवास’ मा हरिवंशसँगै मुख्य भूमिकामा देखिने

फिल्म ‘हरिबहादुरको जुत्ता’ को टिमले नयाँ चलचित्र ‘श्रीनिवास’ बनाउने घोषणा गरेको छ। एसएम मोसन पिक्चर्सले आफ्नो ब्यानरमा दोस्रो फिल्मको रुपमा ‘श्रीनिवास’ को आज औपचारिक निर्माण घोषणा गरिएको हो। 

गएको दशैँको फूलपातीमा रिलिज भएको ‘हरिबहादुरको जुत्ता’ ले दर्शकको राम्रो साथ र सकारात्मक प्रतिक्रिया पाएको थियो।

यस फिल्ममा हरिवंश आचार्य र अबिषेक खड्का मुख्य भूमिकामा देखिनेछन्। अबिषेकको डेब्यु फिल्म ‘कुमारी’ यही माघ २३ गतेबाट रिलिज हुँदैछ। फिल्म रिलिज नहुँदै उनले नयाँ फिल्म साइन गरेका हुन्। 

सरोज ओली र मोहितवंश आचार्यको निर्माणमा तयार हुने चलचित्रलाई सजन काफ्ले र आकाश बरालले संयुक्त रूपमा निर्देशन गर्नेछन्। यसअघि उनीहरूले चलचित्र ‘बेहुली फ्रम मेघौली’ निर्माण गरेका थिए।