युट्युबमा रूचाइयो अनमोल स्टारर फिल्म ‘जेरी अन टप’ को ट्रेलर

असोज ३१ गतेबाट रिलिज हुने फिल्म ‘जेरी अन टप’ को ट्रेलरलाई युट्युबमा रूचाइएको छ।  शुक्रबार दिउँसो युट्युबमा सार्वजनिक ट्रेलरलाई ४ लाख ३८ हजार पटक हेरिएको छ। 

सार्वजनिक ट्रेलर २४ घण्टा नपुग्दै नेपालतर्फ पहिलो नम्बरमा आएको थियो। ट्रेलर युट्युबको नेपाली चार्ट्समा शीर्ष स्थानमा छ। सँगसँगै दर्जनबढि देशमा यो ट्रेलर उत्कृष्ट १० ट्रेण्डिङभित्र छ। 

चलचित्रको ट्रेलरले सकरात्मक प्रतिक्रिया पाइरहेको छ। कलाकारहरूको अभिनय, हिमाली दृश्य, निर्देशन कला, छायांकन, व्याकग्राउण्ड स्कोर, सम्पादन लगायतको निकै तारिफ भइरहेको छ। सुयोग गुरुङको निर्देशनमा बनेको फिल्मको निर्माता सरोज न्यौपाने हुन्।  

अनन्या फिल्मस् को ब्यानरमा बनेको फिल्ममा अनमोल केसी, आँचल शर्मा, जसिता गुरुङ, भुवन केसी, केदार घिमिरे 'माग्नेबुढा', सुरक्षा पन्त, उषा खड्गीको अभिनय छ।