युनिकोड
बलिउड अभिनेता अक्षय कुमार ५७ वर्ष पुगिसकेका छन् तर फिल्ममा उनको स्टन्ट देखेर कसैले पनि उनको उमेर यति होला भनेर अनुमान गर्न सक्दैनन्।
अक्षयको फिटनेसका पछाडि कडा परिश्रम, अनुशासन, स्वस्थ जीवनशैली र खानपान छन्।
उनी नियमित व्यायाम गर्छन्। केही समयअघि निर्देशक रोहित शेट्टी भारती सिंह र हर्षको पोडकास्टमा पुगेका थिए। जहाँ हर्षले रोहितलाई अक्षय कुमारको फिटनेसको रहस्य सोधे।
अनि रोहितले यो उमेरमा पनि अक्षय कसरी यति फिट रहन्छन् भनेर बताए।
रोहितले भने, 'अक्षयले सामान्य खाना खान्छन्। सामान्य कसरत गर्छन्। जस्तै: ८० तला छन्, उनी माथि चढ्छन् र तल झर्छन्। ५० पुल-अप गर्छन्। उनी सामान्य खाना खान्छन्। उनी चाँडै सुत्छन् भन्ने कुरा त सबैलाई थाहै छ।
रोहितले अगाडि भने, 'हो, उनी अनुशासनमा धेरै कडा छन्। तर जब सुटिङ र रात्रि दृश्य हुन्छन्, तब उनी त्यसलाई व्यवस्थापन गर्छन्।
अक्षय कुमारको दिनचर्या
अक्षय कुमार हरेक बिहान चाँडै उठ्छन् र सबैभन्दा पहिले आफ्नो शरीरलाई सक्रिय बनाउन व्यायाम गर्छन्। उनी जिम, योगा र कार्डियो कसरत गर्छन्। उनी सधैँ कसरतका नयाँ-नयाँ तरिका अपनाउँछन्। जस्तै: मार्सल आर्ट, ट्र्याक दौड, र विभिन्न प्रकारका शक्ति वा वेट ट्रेनिङ एक्सरसाइज।
अक्षयको खाना धेरै सरल र पौष्टिक हुने गर्छ। उनी सधैँ ताजा फलफूल, हरियो तरकारी र प्रोटिनयुक्त आहार लिन्छन्। उनको खानामा प्रायः अन्न, अन्डा, दाल, कुखुराको मासु र हरियो सलाद समावेश हुन्छन्। यसै कारणले गर्दा अक्षय कुमार सधैँ फिट रहन्छन्।
प्रतिक्रिया