युनिकोड
फागुनको १४ गतेबाट प्रदर्शन फिल्म ‘मायावी’को भजन गीत ‘माता विन्धवासिनी’ सार्वजनिक भएको छ। राम अविरल बिष्टको शब्द रहेको फिल्ममा एसडी योगीको स्वर र संगीत रहेको छ।
गीतको भिडिओमा अभिनेता पल शाह, दीपिका प्रसाँई, करिश्मा श्रेष्ठ, सुशिल सिटौला लगायतको अभिनय छ। विन्धवासिनी मन्दिरमा नै छायांकन गरिएको यो गीतलाई दर्शकले मन पराउने विश्वास गरिएको छ ।
यो फिल्म दिवाकर भट्टराइको लेखन तथा निर्देशनमा बनेको हो। फिल्ममा लक्ष्मी गिरी, अंशु महर्जन, राजाराम पौडेल, रवि डंगोल, रमा प्रसाँई, दीपेन्द्र सिंम्खडा, संगीता सिलवालसहित नव–नायक समीम खानको मुख्य भूमिका छ ।
फिल्ममा धु्रव न्यौपाने, राज कटुवाल र चन्द्र पन्तको लगानी छ। राजु विक्रम थापाको डीओपी रहेको फिल्ममा मिलन श्रेष्ठको सम्पादन छ।
फिल्ममा राजु पराजुली र सुमित वलीको सह–निर्माण, प्रविन भट्टराई र करण सिंह कार्यकारी निर्माताको रुपमा छन्। फिल्ममा क्रियटिभ सिने आर्टस्का लागि नेम महर्जनको पनि लगानी छ।
प्रतिक्रिया