युनिकोड
पोखरा महानगरपालिकामा अहिलेसम्म २२ हजार ४ सय ६० मत गणना गरिसकिएको छ।
पछिल्लो पटक सार्वजनिक मत परिणामा अनुसार पोखरा महानगरपालिकाको मेयर पदका उम्मेदवार धनराज आचार्यले अग्रता कायम गरिराखेका छन्।
गठबन्धका उम्मेदवार आचार्यले ९ हजार ४०२ मत प्राप्त गरेका छन्। नेकपा एमालेका उम्मेदवार कृष्ण थापाले ७ हजार ९५४ मत प्राप्त गरेका छन्।
मेयर पदका अर्का आकांक्षी राष्ट्रिय प्रजातन्त्र पार्टी (राप्रपा)का उम्मेदवार शंकर खरालले भने एक हजार मत पुर्याएका छन्।
खरालले १ हजार १ मत प्राप्त गर्दा स्वतन्त्रका उम्मेदवार गनेश पौडेलले भने ५ सय ४ मत प्राप्त गरेका छन्।
विवकेशील साझाका उम्मेदवार सुशीला केसी अधिकारीले ६१ मत ल्याएकी छिन्।
उपमेयर पदमा नेकपा एमालेकी उम्म्ेदवार मञ्जु गुरुङले ९ हजार ४० मत प्राप्त गरेकी छिन्। नेपाली काग्रेसकी उम्मेदवार कोपीला रानाभाटले भने ९ हजार ६७९ मत प्राप्त गरेकी छिन्।
राष्ट्रिय प्रजातन्त्र पार्टीकी उम्मेदवारले भने ९ सय १९ मत प्राप्त गर्दै तेस्रो स्थानमा छिन्।
प्रतिक्रिया