युनिकोड
महोत्तरीको गौशाला नगरपालिकामा जसपा विजयी भएको छ।
अन्तिम मत परिणामअनुसार प्रमुखमा ८ हजार ७९९ मत ल्याएर डा दीपेन्द्रकुमार सिंह र उपप्रमुखमा पनि जसपाकै रेणुकुमारी महतो निर्वाचित भएकी छन्।
रेणुले ८ हजार ४५५ मत प्राप्त गरेकी मुख्य निर्वाचन अधिकृतको कार्यालयले जनाएको छ।
प्रमुख र उपप्रमुख दुवै पदमा निकटतम प्रतिस्पर्धी नेकपा माओवादी केन्द्रका उम्मेदवार बनेका छन्।
प्रमुखमा विष्णु योञ्जन लामाले पाँच हजार ६२७ र उपप्रमुखमा जनकदुलारी साहले पाँच हजार ४९० मत प्राप्त गरेका मुख्य निर्वाचन अधिकृत दीपककुमार खरेलले जानकारी दिए।
अघिल्लो निर्वाचनमा गौशालामा मेयर, उपमेयरसहित धरैजसो वडामा माओवादी केन्द्रका उम्मेदवार विजयी भएका थिए।
गौशालासँगै महोत्तरी जिल्लाका १३ स्थानीय तहको अन्तिम परिणाम सार्वजनिक भइसकेको छ।
अब जलेश्वर र भङ्गाहा नगरपालिकाको मात्र परिणाम घोषणा हुन बाँकी रहेको छ।
प्रतिक्रिया