युनिकोड
डा.सीके राउत नेतृत्वको जनमत पार्टीले सप्तरीमा दोस्रो स्थानीय तहमा जित हात पारेको छ। सप्तरीको बलान बिहुल गाउँपालिकाको अध्यक्ष र उपाध्यक्ष दुबै पदमा जनमत पार्टीका उम्मेदवार विजयी भएका हुन्।
जनमत पार्टीबाट खेमचन्द्र यादवले काँग्रेसका नविन कुमार झालाई ७४७ मतान्तरले पराजित गर्दै पालिका अध्यक्षमा निर्वाचित भएका छन्।
यादवले २ हजार ९९४ मत पाएका छन् भने उनका निकटतम प्रतिद्वन्द्वी काँग्रेसका झाले २ हजार २४७ मत प्राप्त गरेका छन्।
तेस्रो नम्बरमा रहेको जनता समाजवादी पार्टी (जसपा) का उम्मेदवार दयानन्द गोइतले २ हजार २०३ मत ल्याएका छन्।
यस्तै गाउँपालिका उपाध्यक्षमा जनमत पार्टीकै रेणु यादव २ हजार ६९० मत ल्याएर विजयी भएकी छन्। उनका निकटतम प्रतिद्वन्द्वी काँग्रेसकी आशा देवीले २ हजार ३०४ मत प्राप्त गरेकी छन्। तेस्रो नम्बमा रहेकी जसपाकी वविता कुमारी मण्डलले २ हजार ९४ मत ल्याएकी छन्।
योसँगै जनमत पार्टीले तराई–मधेसमा दुई पालिका प्रमुख र एक पालिका उपप्रमुख जितेको छ।
सप्तरीकै हनुमाननगर कंकालिनी नगरपालिकाको प्रमुखमा जनमत पार्टीकै बिरेन्द्र माझी मेयर पदमा निर्वाचित भएका थिए।
प्रतिक्रिया