पोखराको मतगणना स्थलमा एमालेको नाराबाजी

पोखराको मतगणनास्थलमा नाराबाजी भएको छ। नाराबाजी एमाले समर्थकले गरेका हुन्।

गणनाको क्रममा प्रतिनिधिहरूबीच विवाद भएको कुरा बाहिर आएसँगै मतदानस्थल बाहिर नाराबाजी भएको हो। त्यहाँ वडा नम्बर ७ को गणनाको क्रममा विवाद भएको हो।

यसअघिको चुनावमा वडा नम्बर ७ एमालेले जितेको थियो तर अहिलेको मतगणनामा कांग्रेसका उम्मेदवार राममोहन आचार्य प्रारम्भिक गणनामा अगाडि देखिएका छन्।

प्रहरीले स्थिति नियन्त्रणमा लिएको छ।