युनिकोड
पर्साको जिराभवानी गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन्। अध्यक्षमा अनोज चौधरी र उपाध्यक्षमा रेखा चौधरी विजयी भएका हुन्।
निर्वाचन आयोगका अनुसार अध्यक्षका उम्मेदवार अनोजले ४ हजार ५ सय ६० मत प्राप्त गरेका छन भने उपाध्यक्षमा रेखाले ४ हजार ७ सय १० मत प्राप्त गरेका छन्। त्यस्तै, मेयरका प्रतिस्पर्धी एमालेका रामपृत महतोले ३ हजार २ सय ९९ मत प्राप्त गरेका छन्।
त्यस्तै, उपमेयरका प्रतिस्पर्धी एमालेकै उषा देवी थरुनी २ हजार ९ सय ६५ मत ल्याएर दोस्रो भएकी छिन्।
०७४ को निर्वाचनमा यस गाउँपालिकाका अध्यक्ष र उपाध्यक्ष दुवै एमालेले जितेको थियो।
एमालेका रामपृत महतोले २ हजार ९ सय ५९ मतसहित विजयी भएका थिए। भने उपाध्यक्षमा उषादेवीले २ हजार ५ सय ३८ मतसहित विजयी भएकी थिइन्।
उनीहरु दुवै अहिलेपनि अध्यक्ष र उपाध्यक्षका लागि एमालेबाट उम्मेदवार थिए।
प्रतिक्रिया