युनिकोड
नुवाकोटको किस्पाङ गाउँपालिकामा नेकपा एमाले र नेकपा माओवादी केन्द्रको गठबन्धनका उम्मेदवार विजयी भएका छन्।
देशभरी सत्तारुढ दलहरुबीच गठबन्धन भइरहेको बेला किस्पाङमा भने एमाले र माओवादी केन्द्रले गठबन्धन गरेर स्थानीय चुनावमा नेपाली कांग्रेसका उम्मेदवारलाई पराजित गरेका छन्।
यहाँ अध्यक्षमा नेकपा एमालेका वीरबल तामाङ र उपाध्यक्षमा नेकपा माओवादी केन्द्रका अर्जुन न्यौपाने विजयी भएका हुन्।
अध्यक्षमा विजयी हुने वीरबल तामाङले ३ हजार ६३८ मत प्राप्त गरेका छन् भने उनका निकटतम प्रतिद्वन्द्वी कांग्रेसका छत्र लामाले ३ हजार ४ सय ५२ मत प्राप्त गरेका छन्।
गाउँपालिकाको उपाध्यक्षमा विजयी भएका न्यौपानेले ३ हजार ७ सय १२ मत प्राप्त गरेका छन्। पराजित हुने कांग्रेसकी दिलकुमारी मोक्तानले ३ हजार १७७ मत प्राप्त गरेकी छन्।
किस्पाङ गाउँपालिकाको अध्यक्ष जितेपनि एमाले वडाध्यक्ष जित्न भने असफल भएको छ। गाउँपालिकाको १, ४ र ५ नम्बर वडामा कांग्रेस, २ र ३ नम्बर वडामा माओवादी केन्द्रका उम्मेदवार विजयी भएका छन्।
प्रतिक्रिया