युनिकोड
धनुषाको धनौजी गाउँपालिकाको अध्यक्ष र उपाध्यक्षमा नेपाली कांग्रेस विजयी भएको छ।
अध्यक्षमा कांग्रेसका राजकुमार साह ९९ मत अन्तरले विजयी भएका हुन्।
उनले २ हजार २६२ मत ल्याउँदा उनका निकटतम प्रतिद्वन्द्वी लोकतान्त्रिक समाजवादी पार्टी (लोसपा) नेपालका जीवेन्द्र झाले २ हजार १६३ मत ल्याएका छन्।
त्यस्तै नेकपा एमालेका रामबाबु साहले १ हजार ४९५ मत प्राप्त गरेका छन् भने नेकपा एकीकृत समाजवादीका राजकुमार यादवले १ हजार २८९ मत ल्याएका छन्।
उपाध्यक्षमा पनि कांग्रेसकी रामवती देवी मण्डल २ हजार ४३० मत ल्याएर निर्वाचित भएकी छन्। उनका निकटतम प्रतिस्पर्धी लोसपाकी रन्जिता देवी मण्डलले १ हजार ९०१ मत ल्याएकी छन्।
यस्तै नेकपा एमालेकी रुवदा खातुनले १ हजार ६५९ मत प्राप्त गरेकी छन् भने नेकपा एकीकृत समाजवादीकी निर्मला देवीले १ हजार १२० मत ल्याएकी छन्।
प्रतिक्रिया