युनिकोड
सिन्धुलीको हरिहरपुरगढी गाउँपालिकाको अध्यक्षमा माओवादी केन्द्रका उम्मेदवार विजयी भएका छन्।
गाउँपालिका अध्यक्षमा माओवादी केन्द्रका बज्रध्वज वाइबा निर्वाचित भएका हुन्। हरिहरपुरगढीमा माओवादी केन्द्र र कांग्रेसले गठबन्धन बनाएर चुनाव लडेका थिए।
अध्यक्षमा निर्वाचित हुने वाइवाले ४ हजार ७२९ मत पाएका छन् भने उनका निकटतम प्रतिद्वन्द्वी एमालेका मानबहादुर वाइबाले ३ हजार ६१६ मत प्राप्त गरेका छन्।
उपाध्यक्षमा कांग्रेसका चेखबहादुर थिङ विजयी भएका छन्। थिङ ५ हजार ७०३ मत ल्याएर विजयी हुँदा निकटतम प्रतिद्वन्द्वी निर्मला ठाडामगरले २ हजार ८५५मत मात्रै प्राप्त गरेकी छन्।
गाउँपालिकाका ८ वटा वडामध्ये ६ वटा वडामा माओवादी केन्द्रका उम्मेदवार विजयी भएका छन् भने एमाले र कांग्रेसले एकएक वडा जितेका छन्।
०७४ सालको स्थानीय तह निर्वाचनमा पनि हरिहरपुरगढी गाउँपालिकामा माओवादी केन्द नै विजयी भएको थियो।
प्रतिक्रिया