युनिकोड
नुवाकोटको सूर्यगढी गाउँपालिकामा नेपाली कांग्रेस विजयी भएको छ। गाउँपालिकाको अध्यक्ष र उपाध्यक्ष दुबै पदमा कांग्रेस विजयी भएको हो।
कांग्रेसका सन्तबहादुर तामाङ गाउँपालिकाको अध्यक्षमा निर्वाचित भएका छन् भने मञ्जु बुढाथोकी उपाध्यक्षमा विजयी भएकी छन्।
अध्यक्षमा निर्वाचित तामाङले ३ हजार ७५९ मत ल्याएका छन् भने उनका निकटतम प्रतिद्वन्द्वी नेकपा एमालेका राजेन्द्र रिजालले २ हजार ८८९ मत प्राप्त गरेका छन्।
उपाध्यक्षमा विजयी हुने बुढाथोकीले ३ हजार २०३ मत ल्याएकी छन्। उनको निकटतम प्रतिद्वन्द्वी एमालेकी गंगा आचार्यले २ हजार ९३२ मत प्राप्त गरेकी छन्।
प्रतिक्रिया