सत्ताका लागि गरिने राजनीतिको आयु कम हुन्छ : उम्मेदवार चौधरी

नेपाली काङ्ग्रेस पश्चिम नवलपरासी क्षेत्र नम्बर १ का उमेदवार बिनोद चौधरीले केवल शत्ताका लागि गरिने राजनीतिको आयु कम हुने बताएका छ्न्।

राजनीतिको मूल प्रवाह विकास निर्माणसँग जोडिनुपर्ने बताउँदै चौधरीले युवा,महिला र सबै वर्ग अट्ने गरी स्पष्ट विकासको खाका कोरेर अघि बढ्नुपर्ने आफ्नो मान्यता रहेको उल्लेख गरे।

वडा कार्यसमिति बर्दघाट १३ ले आयोजना गरेको कार्यकर्ता भेटघाट कार्यक्रममा बोल्दै चौधरीले आम मतदाता र उम्मेदवारबीचको दूरी चिर्ने गरी आफू मैदानमा उत्रिएको जिकिर गरे।

संगठनको ऐक्यबद्धताले नै यो क्षेत्रको विकास र परिवर्तनमा हातेमालो गरी अघि बढ्न सकिने उनको भनाइ थियो। आम कार्यकर्ता र मतदाताको भावनालाई समेटेर हिँड्नु र त्यसलाई सही रुपमा दिशानिर्देश गर्ने गरी लागिपर्नु नै आफ्नो कर्तव्य हुने चौधरीलेले धारणा व्यक्त गरे।

चौधरी यतिबेला बर्दघाट नगपालिकाका विभिन्न वडामा पार्टीले आयोजना गरेका कार्यक्रममा सहभागी भएका छ।