अर्थसचिवको रुपमा कृष्णहरि पुष्करले पदभार ग्रहण गरेका छन्।
मधु मरासिनी सरुवा भएपछि अर्थसचिव पद रिक्त रहेको थियो।
अर्थ मन्त्रालयमै राजस्व सचिवको भूमिकामा रहेका पुष्करलाई अर्थ सचिवको जिम्मेवारी दिइएको हो।
अर्थ मन्त्रालयका अनुसार आज उनले पदभार ग्रहण गरेका हुन्।
अर्थसचिव बनेका पुष्कर राजस्व प्रशासनमा अनुभव नभएका व्यक्ति हुन्। यसअघि उनी राजस्व सचिवमा थिए।
यही साउन २६ गतेको मन्त्रिपरिषद् बैठकको निर्णयअनुसार उनी अर्थको सचिवमा सरुवा भएका थिए। सोहीअनुसार उनले ३० गते पदबहाली गरेको अर्थ मन्त्रालयका प्रवक्ता तथा सहसचिव ढुण्डी प्रसाद निरौलाले जानकारी दिए।
उनले वाणिज्य तथा आपूर्ति मन्त्रालयमा भने काम गरेका थिए। यसबाहेक प्रमुख जिल्ला अधिकारी, श्रम तथा वैदेशिक रोजगार विभागको महानिर्देशकदेखि प्रधानमन्त्री तथा मन्त्रिपरिषद् कार्यालयमा अतिरिक्त सचिवसम्म भएर काम गरेको अनुभव उनीसँग छ।
Shares
प्रतिक्रिया