४२ दिनका लागि ५० अर्ब निक्षेप तान्दै राष्ट्र बैंक

नेपाल राष्ट्र बैंकले आइतबार ५० अर्ब निक्षेप संकलन गर्ने भएको छ। 

केन्द्रीय बैंकका अनुसार ४२ दिनका लागि क, ख र ग वर्गका बैंक तथा वित्तीय संस्थाहरुबाट उक्त रकम खिच्न लागिएको हो। 
्
निक्षेप संकलन उपकरणद्वारा तान्न लागिएको रकमको सावाँ तथा ब्याज भुक्तानी आगामी भदौ १५ गते गरिनेछ।

इच्छुक बैंक तथा वित्तीय संस्थाहरुले घटीमा १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोल लगाउन सक्नेछन्। 

बोलकबोलमा अनलाइन बिडिङ प्रणाली सफ्टवेयरबाट आज अपराह्न ३ बजेसम्म सहभागी हुन सकिनेछ।