युनिकोड
शुक्रबार पाँचवटा जहाजमार्फत करिब ६ सय ५० नेपाली स्वदेश फर्किने भएका छन्। बिहान नेपाल वायुसेवा निगम, हिमालय, जजिरा र कतार एयरवेजले विदेशमा अप्ठ्यारोमा परेका नेपालीलाई ल्याएका छन्।
नेपाल वायुुसेवा निगमले युएईबाट १ सय ४६ जना ल्याएको छ। बिहीबार युएई गएको जहाज नेपाली लिएर शुक्रबार बिहान काठमार्डौं आइपुगेको हो।
त्यस्तै, कुवेतबाट जजिरा एयरले १ सय ४७ नेपाली लिएर काठमाडौं आएको छ भने कतार एयरवेजले २० वटा शव र ४३ नेपाली कतारबाट ल्याएको छ।
जजिराको जहाज कुवेत सरकार र कतार एयरवेज कतार सरकारको खर्चमै नेपाल आएका हुन्।
हिमालयको ए ३२० जहाज माल्दिभ्स गएको छ। उसले करिब १५० जना लिएर आउनेछ।
त्यस्तै नेपाल वायुसेवा निगमको वाइडबडी जहाज जापानको नारिता जाँदै छ भने न्यारोबडी कुवेत जानलागेको निगमले जानकारी दिएको छ।
प्रतिक्रिया