हिजो तोलामा २८ सय घटेको सुनको भाउ आज थप घट्यो, चाँदीको मूल्य पनि निरन्तर ओरालो

हिजो तोलामा २ हजार ८ सय रुपैयाँ घटेको सुनको भाउ आज थप घटेको छ। 

सुनको भाउ आज तोलामा १ हजार २ सय रुपैयाँ घटेर २ लाख ८४ हजार रुपैयाँमा झरेको नेपाल सुनचाँदी व्यवसायी महासंघले जनाएको छ। 

सुनको भाउ हिजो तोलामा २ हजार ८ सय रुपैयाँ घटेर २ लाख ८५ हजार २ सयमा झरेको थियो। 

आइतबार तोलामा ६ सय बढेर सुनको भाउ २ लाख ८८ हजार पुगेको थियो। 

त्यसैगरी चाँदीको भाउ पनि आज तोलामा १५ रुपैयाँ घटेर ४ हजार ३ सय ६० रुपैयाँमा झरेको छ। 

सोमबार तोलामा १ सय रुपैयाँ घटेर चाँदीको भाउ ४ हजार ३ सय ७५ रुपैयाँ कायम भएको थियो। 

गएको आइतबार पनि चाँदीको भाउ ३५ रुपैयाँ घटेर ४ हजार ४ सय ७५ रुपैयाँमा झरेको थियो।  

गएको माघ १५ गते  सुनको भाउ तोलामा २० हजार पाँचसय रुपैयाँ बढेर तीन लाख ३९ हजार तीनसय रुपैयाँ पुगेको थियो। नेपाली बजारमा सुनको यो मूल्य हालसम्मकै सबैभन्दा उच्च हो। 

त्यसैगरि गएको माघ १८ गते चाँदीको मूल्य तोलामा १५ सय ६५ रुपैयाँ घटेको थियो। चाँदीको मूल्यमा आएको यो गिरावट हालसम्मकै सबैभन्दा उच्च हो।

गएको माघ १५ गते चाँदीको भाउ तोलाको सात हजार ५०५ रुपैयाँ पुगेको थियो। चाँदीको यो मूल्य अहिलेसम्मकै सबैभन्दा बढी हो।