झण्डै १८ अंकले घट्यो बजार, पौने ६ अर्बको सेयर किनबेच

सेयरबजारमा आज ५ अर्ब ७७ करोड रुपैयाँको कारोबार भएको छ। कुल १ करोड ३० लाख कित्ता किनबेचपछि उक्त परिमाणमा कारोबार भएको नेपाल स्टक एक्सचेन्जले जनाएको छ। 

आज कुनै एउटा सेयर ३७ करोडसम्मको कारोबार भएको छ। मंगलबार सोलु हाइड्रोपावरको ३७ करोडको कारोबार भएको हो। योभन्दा बढी कुनै पनि सेयर कारोबार भएनन्। कुल कारोबारमा रिलायन्स स्पिनिङ मिल्सको ३० करोड, नेशनल हाइड्रो २३ करोड, होटल फरेस्ट इन २२ करोड र एसवाई प्यानलको १८ करोडको योगदान रह्यो। 

यस दिन ४८ वटा सेयर मात्रै बढेका छन् भने २१५ वटा घटेका र ६ वटा अघिल्लो मूल्यमै कायम छन्। बढेकामध्ये सूर्यकुण्ड हाइड्रो इलेक्ट्रिक, पाल्पा सिमेन्टको सेयरमा सकारात्मक सर्किट लाग्दा शिखर पावर डेभलपमेन्ट र कर्पोरेट डेभलपमेन्टको क्रमशः १४.९९ र १४.८२ प्रतिशत वृद्धि भएको छ। 

यस दिन डोल्टी पावरको ८.७१ प्रतिशत, सोलु हाइड्रो ५.७७ प्रतिशतले घटेका छन्। बाँकी सेयरहरु अधिकतम ४.८५ प्रतिशतसम्म घटेका छन्। होटल र पर्यटन १.१६ प्रतिशतले बढे पनि बाँकी समूहहरु राताम्य रहेको नेप्सेले जनाएको छ।