सरकारको सञ्चित कोष १ खर्ब ९ अर्बले ऋणात्मक

सरकारको सञ्चित कोष १ खर्ब ९ अर्ब रुपैयाँ ऋणात्मक रहेको पाइएको छ। 

महालेखा नियन्त्रक कार्यालयका महालेखा नियन्त्रक शोभाकान्त पौडेलले आज अर्थमन्त्री रामेश्वरप्रसाद खनालसमक्ष पेस गरेको आर्थिक वर्ष २०८१/८२ को केन्द्रित लेखाको एकीकृत वित्तीय विवरणमा सरकारको सञ्चित कोष १ खर्ब ८ अर्ब ९९ करोड ६ लाख रुपैयाँले ऋणात्मक रहेको देखिएको हो।

गत आर्थिक वर्षमा सरकारको संचित कोषमा नगद अवस्था भने १ खर्ब ४ अर्ब १३ करोड ४ लाख रुपैयाँ धनात्मक रहेको छ।

साथै संघ, प्रदेश र स्थानयीय सरकारहरु र एक्स्ट्रा बजेटरी निकायका विभिन्न कोषहरुको मौज्दात रकमको आधारमा नगद तथा बैंक मौज्दात १ खर्ब ८ अर्ब ९४ करोड ५८ लाख रुपैयाँले धनात्मक रहेको महालेखा नियन्त्रक कार्यालयले जानकारी दिएको छ।