युनिकोड
चालु आर्थिक वर्ष ०८१/०८२को चैत्र मसान्तसम्म ४७.८ अर्ब रुपैयाँ बराबराको खाद्यान्न आयात भएको छ।
कृषि, सहकारी तथा पशुपंक्षी विकासमन्त्री रामनाथ अधिकारीले चालु आव को चैत्र महिनासम्म खाद्यान्नको आयात ४७.८ अर्ब रहेको र निर्यात ६.२ करोड रहेको जानकारी दिए।
खाद्यान्न बालीमा व्यापार घाटा ४७.७ अर्ब, तरकारी बालीको आयात ३१.५२ अर्ब र निर्याततर्फ ४०.८२ करोड देखिएको मन्त्री अधिकारीले बताए।
फलफूल बालीको आयात १८.२ अर्ब र निर्यात १.७ करोड रहेको उनले जानकारी दिए।
मन्त्री अधिकारीले चालु आर्थिक वर्षमा सबै बालीहरूको उत्पादन सामान्य रुपमा बढ्ने प्रारम्भिक अनुमान रहेको बताए।
चालु आर्थिक वर्षको चैत्र मसान्तसम्म १५ लाख ६ सय ९२ बेर्ना, बिरुवा बिक्री वितरण गरिएको पनि उनले बताए।
प्रतिनिधि सभाको सोमबारको बैठकमा सांसदहरूले सोधेका जिज्ञासाको जवाफ दिँदै उनले यस्तो बताएका हुन्।
उनले चालु आर्थिक वर्षको अन्त्यसम्ममा तरकारी तथा फलफूलका पाँच लाख श्रोत बेर्ना, बिरुवा नर्सरी तथा श्रोत केन्द्रहरुलाई विशेष गरी उपलब्ध गराउने लक्ष्य रहेको बताए।
जसमा १५ लाख ६ सय ९२ बेर्ना, बिरुवा बिक्री वितरण गरिसकिएको र बाँकी लक्ष्य जेठ र असारमा सम्पन्न हुने उनले जानकारी दिए।
नेपालमा मुलतः स्याउ, ओखर, मेवा, अंगुर, नरिवल, अनार जस्ता फलफूलहरु भारत, चीन लगायतका मुलुकहरुबाट आउने गरेको बताए।
मन्त्री अधिकारीले भने, ‘चालु आर्थिक वर्षको अन्त्यसम्ममा तरकारी तथा फलफूलका पाँच लाख श्रोत बेर्ना, बिरुवा नर्सरी तथा श्रोत केन्द्रहरुलाई विशेष गरी उपलब्ध गराउने लक्ष्य रहेकोमा चैत्र मसान्तसम्ममा १५ लाख ६ सय ९२ बेर्ना, बिरुवा बिक्री वितरण गरिसकिएको र बाँकी लक्ष्य जेठ र असारमा स्म्पन्न हुनेछन्। कृषि तथा पशुपंक्षी विकास मन्त्रलयले वार्षिक र भन्सार बिन्दुबाट नियमित रुपमा तथ्यांक राख्ने गरेको व्यहोरा सम्मानित संसदमा जानकारी गराउन चाहन्छु, नेपालमा मुलतः स्याउ, ओखर, मेवा, अंगुर, नरिवल, अनार जस्ता फलफूलहरु भारत, चीन लगायतका मुलुकहरुबाट आउने गर्दछ।’
प्रतिक्रिया