युनिकोड
हिमालयन एभरेष्ट इन्स्योरेन्स लिमिटेडले सेयरधनीलाई दिने नगद लाभांश घोषणा गरेको छ।
कम्पनीको २९ गते बसेको सञ्चालक समिति बैठकले आर्थिक वर्ष २०८०/०८१ को वितरणयोग्य मुनाफाबाट नगद लाभांश बाँड्ने प्रस्तावबारे निर्णय गरेको हो।
कम्पनीको हाल कायम चुक्ता पुँजीबाट ८.७५ प्रतिशतका दरले लाभांश बाँड्ने प्रस्ताव गरिएको छ।
यसअनुसार चुक्ता पुँजी २ अर्ब ५० करोड १ लाख ५७ हजार ४ सय रुपैयाँको उक्त दरले हुने २१ करोड ८७ लाख ६३ हजार ७ सय ७३ रुपैयाँ कर समेतको लागि नगद लाभांश बाँडिनेछ।
त्यसअघि नेपाल बीमा प्राधिकरणले कम्पनीको उक्त आवको वित्तीय विवरण स्वीकृत गर्नुपर्नेछ भने कम्पनीको आगामी वार्षिक साधारणसभाबाट यस प्रस्ताव पारित भएपछि सेयरधनीले पाउनेछन्।
प्रतिक्रिया