युनिकोड
नेपालीसँग हातमै ५ खर्बभन्दा धेरै रकम रहेको नेपाल राष्ट्र बैंकले जनाएको छ।
राष्ट्र बैंकको आर्थिक वर्ष २०८०/८१ को वार्षिक वित्तीय विवरणमा २०८० असार मसान्तसम्म सर्वसाधारणले ५ खर्ब ८१ अर्ब ७२ करोड रुपैयाँ रकम राखेको उल्लेख गरेको हो।
आव २०७९/८० मा सर्वसाधारणसँग ५ खर्ब २८ अर्ब ६९ करोड रुपैयाँ थियो।
अघिल्लो वर्षको तुलनामा गत वर्ष १० प्रतिशत बढी सर्वसाधारणले घरमै राखेका हुन्। आव २०७८/७९ मा भने सर्वसाधारणसँग ५ खर्ब ५ अर्ब ९० करोड रुपैयाँ रहेको थियो।
असार मसान्तसम्म सर्वसाधारणले वाणिज्य बैंकमा २ खर्ब ७२ अर्ब २९ करोड रुपैयाँ राखेका थिए भने विकास बैंकमा २३ अर्ब ५५ करोड र वित्त कम्पनीहरुमा ५ अर्ब ५४ करोड रुपैयाँ निक्षेपमा राखेका थिए।
प्रतिक्रिया