युनिकोड
भौतिक पूर्वाधार तथा यातायातमन्त्री देवेन्द्र दाहाल आज साउदी अरेबियाको रियाद प्रस्थान गरेका छन्।
सडक सुरक्षाबारे तीन दिनसम्म चल्ने अन्तर्राष्ट्रिय सम्मेलनमा सहभागी हुन साउदी गएका हुन्।
रियादमा यही नोभेम्बर २ देखि ४ तारिखसम्म हुने सडक सुरक्षासम्बन्धी सम्मेलन हुँदै छ। उनको साथमा धर्मपत्नी दिलमाया कार्की, सल्लाहकार हर्कराज राई र सूचना प्रविधि विज्ञ मनोज दाहाल समेत सहभागी रहनेछन्।
इन्टरनेशनल रोड फेडेरेसन, आईआरएफ ग्लोबल र साउदी अरेबियाको यातायात मन्त्रालयले आयोजना गरेको उक्त सम्मेलनमा विभिन्न राष्ट्रका प्रतिनिधि एवम् विज्ञहरुले सडक सुरक्षासम्बन्धी विभिन्न कार्यपत्रहरु पेस गरी छलफल हुने कार्यक्रम छ।
प्रतिक्रिया