युनिकोड
नेपालले पछिल्लो ३ महिनामा ८४ हजार ७ सय ९९ किलोग्राम अचार निर्यात गरेको छ।
उक्त निर्यातबाट ७ करोड ८० लाख ३१ हजार रुपैयाँ आर्जन भएको हो।
भन्सार विभागका अनुसार ९ वटा देशमा नेपालबाट अचार निर्यात हुने गरेको छ।
अस्ट्रेलिया, बेल्जियम, क्यानडा, डेनमार्क, इटली, जापान, मलेसिया, बेलायत र अमेरिकामा नेपालले अचार निर्यात गर्दै आएको छ।
साउन, भदौ र असोज महिनामा अस्ट्रेलियामा ३१ हजार ७३८ किलो अचार निर्यात गरेको नेपालले २ करोड ८५ लाख ५६ हजार रुपैयाँ कमाएको छ।
त्यसैगरी बेल्जियममा ६ हजार किलो निर्यातबाट ३६ लाख ४१ हजार, क्यानडामा ३ हजार ९०७ किलो निकासीबाट ४० लाख ८८ हजार, डेनमार्कमा १ हजार ५७३ किलो निर्यातबाट १६ लाख ९६ हजार, इटलीमा १५ हजार ९७५ किलोबाट १ करोड ६४ लाख ४० हजार रुपैयाँ कमाएको छ।
यसबाहेक जापानमा ८ हजार ९०४ किलो अचार पठाएर ६९ लाख ४६ हजार, मलेसियामा ४५० किलो निर्यातबाट ३ लाख ८० हजार, बेलायतमा २ हजार ६४ किलोबाट १७ लाख ४६ हजार र अमेरिकामा १४ हजार १८८ किलो निर्यातबाट १ करोड ४५ लाख ३७ हजार रुपैयाँ आम्दानी गरेको छ।
प्रतिक्रिया