ऋणात्मकबाट २ रुपैयाँमा पुग्यो नेपाल फाइनान्सको प्रतिसेयर आम्दानी, नाफा भने १९ लाखले घट्यो

सेयरबजारमा छोटो समयमै २२ सय रुपैयाँ हाराहारी प्रतिकित्ताको दरमा पुगेको नेपाल फाइनान्सको वित्तीय विवरण भने खस्किएको छ।

कम्पनीको प्रतिसेयर आम्दानीलाई ऋणात्मकबाट २ रुपैयाँमा बढे पनि नाफामा भने उलेख्य कमी आएको हो।

अघिल्लो वर्षको तुलनामा गत वर्षमा कम्पनीको नाफामा १९ लाख रुपैयाँले कमी आएको हो।

अघिल्लो वर्ष २ अर्ब १ करोड रुपैयाँ नाफा गरेको कम्पनीले गत आव (असार मसान्तसम्म) १ अर्ब ८१ करोड रुपैयाँबराबरको नाफा गरेको छ। 

कम्पनीले सञ्चित कोषमा ४३ करोड १० लाख रुपैयाँ राखेको छ। सार्वजनिक वित्तीय विवरणअनुसार कम्पनीको खराब कर्जा रेसियो ९.११ प्रतिशत छ भने ८९.२६ प्रतिशत रकम खराब कर्जा नोक्सानी व्यवस्थापनका लागि राखेको छ। 

कम्पनीको प्रतिसेयर आम्दानी २ रुपैयाँ ४८ पैसा छ भने पीई अनुपात ३६० रुपैयाँ १४ पैसा छ। प्रतिसेयर नेटवर्थ १३७.५२ रुपैयाँ रहेको हो।