युनिकोड
यही नोभेम्बर २४ देखि हुने बहुप्रतिक्षित ‘नेपाल सुपर लिग २०२३’ को लागि आधिकारिक टिकेटिङ पार्टनरको रूपमा आईएमई पे रहने भएको छ।
डिजिटल वालेट ‘आइएमई पे’ र नेपाल स्पोर्टस एण्ड इभेन्टस म्यानेजमेन्ट (एनएसईएम)’ बीच भएको रणनीतिक साझेदारी सम्झौता अन्तर्गत सुपर लिगको टिकेटिङ पार्टनर आईएमई पे हुने भएको हो।
नेपाल सुपर लिग नेपालको प्रमुख खेलहरू मध्ये एक हो जसमा बहुसंख्यक खेल प्रेमिहरुको चासो रहेको छ। जसमा डिजिटल भुक्तानी र टिकट सेवाहरूमा आइएमई पेको आबद्धताले फ्यानहरूलाई आगामी सिजनको टिकट खरिद गर्न सहज र झन्झटमुक्त बनाउने आइएमई पे को विश्वास रहेको छ।
यस्तै, नेपाली फुटबल विकासका विभिन्न आयामहरूमा जोडिन पाउँदा गौरवान्वित रहेको आइएमई पे का प्रमुख कार्यकारी अधिकृत प्रवीण रेग्मीले बताएका छन्।
‘नेपाली फुटबल विकासमा ‘एनएसईएम’ सँग सहकार्य गर्ने मौका दिएकोमा एनएसईएम लाई धन्यवाद दिन चाहन्छु, र ’आइएमई पे’ को डिजिटल वित्तीय समावेशिताको महाअभियानलाई खेल तथा खेलाडीसँग जोड्दा झनै प्रभावकारी रूपमा लागू गर्न सकिने भएकोले यस साझेदारीप्रति अत्यन्तै उत्साहित छु’ प्रमुख कार्यकारी रेग्मीले बताए।
प्रतिक्रिया