युनिकोड
सरकारले बजेटको आकारसँगै राजस्व संकलनको लक्ष्य पनि परिवर्तन गरेको छ।
राजस्वतर्फ सुरु अनुमान १४ खर्ब ३ अर्ब १४ करोड रहेकोमा १२ खर्ब ४४ अर्ब ७५ करोड मात्र संकलन हुने संशोधित अनुमान गरिएको हो। जुन सुरु अनुमानको ८८.७१ प्रतिशत हो।
‘संशोधित गरिएको राजस्वमध्ये सरकारबाट ११ खर्ब १ अर्ब संकलन हुने र १ खर्ब ४३ अर्ब ७५ करोड प्रदेश र स्थानीय तहलाई बाँडफाँट हुने अनुमान छ’, मन्त्री पौडेलले भने।
वैदेशिक अनुदानतर्फ ५५ अर्ब ४५ करोड सुरु अनुमान गरिएकोमा ३८ अर्ब ४५ करोड परिचालन हुने र वैदेशिक ऋणतर्फ २ खर्ब ४२ अर्ब २६ करोड परिचालन हुने सुरु अनुमान गरिएकोमा १ खर्ब ७० अर्ब ५३ करोडमात्र परिचालन हुने उनको भनाइ छ।
यता आन्तरिक ऋणतर्फ २ खर्ब ५६ अर्बको सुरु अनुमान गरिए पनि २ खर्ब ४० अर्ब परिचालन हुने सरकारको संशोधित अनुमान छ।
प्रतिक्रिया