युनिकोड
एफवान सफ्ट इन्टरनेशनले युज मोबाइल बैंकिङ्ग डटकमको सुरुवात गरेको छ।
यस वेबसाइटले मोबाइल बैंकिङ्गसँग परिचित गराउन थप मद्दत गर्ने कम्पनीले जनाएको छ। वेबसाइटमा एफवान सफ्टले सरल र सजिलो नेभिगेट तरिकाले विकास गरिएका सबै बैंकिङ्ग अनुप्रयोगहरुका लागि ट्युटोरियलहरु (सन्दर्भ सामाग्री) छन् र तिनिहरुको प्रयोगको बारेमा जान्न चाहने कुनैपनि ग्राहकले वेबसाइटमा गएर आफ्नो मोबाईल बैंकिङ्ग प्रयोगको ट्युटोरियल (सन्दर्भ सामाग्री) हेर्न सक्छन् ।
वेबसाइटमा मोबाइल बैंकिङ्ग सम्बन्धी नवीनतम तथ्य, तथ्यांक र डाटाका साथसाथै लेख, ब्लग र यस क्षेत्रका विशेषज्ञहरुका विचारहरु पनि निरन्तर अपडेट गरिन्छ । युज मोबाईल डटकम एफवान सफ्ट इन्टरनेशनलद्वारा मोबाइल बैंकिङ्गको प्रयोगलाई बढावा दिन र बानी बसाल्ने प्रयोग हो, जुन शहरी क्षेत्रहरुमा डेबिट कार्ड र नगदको तुलनामा बिस्तारै बैंकिङ्ग र भुक्तानीको लोकप्रिय मोड बन्दै गएको छ ।
एफवान सफ्टका प्रमुख कार्यकारी अधिकृत सवाश शर्माले मोबाइल बैंकिङ्गको ठूलो सम्भावना रहेको बताउँदै कम्पनी मानिसहरुलाई टेक्नोलोजीसँग अझ बढी परिचित गराउन लागिपरेको बताए।
उनले भने, ‘मोबाइल बैंकिङ्गको प्रयोगमा धेरै वृद्धि देखिरहेको छ र हामी आशा गछौँ कि युज मोबाईल बैंकिङ्ग डट कमले मोबाईल बैंकिङ्ग प्रयोग गर्न सहज बनाउन मद्धत गर्छ।’
प्रतिक्रिया