युनिकोड
बिहीबार बिहानदेखि मोबाइल वालेटहरुको एप्लिकेसनबाट अनलाइन भुक्तानी सेवामा समस्या आएको छ।
भुक्तानी सेवा प्रदायक कम्पनीको एप तथा बैंकहरुको एपबाट हुने अनलाइन भुक्तानीमा समस्या देखिएको हो।
खल्ती, इ–सेवा, मोबाइल बैंकिङ एपहरूबाट रिचार्ज टपअपलगायतका भुक्तानी नै आज हुनसकेको छैन।
नेपाल बैंकर्स संघका अध्यक्ष भुवन दाहालले भुक्तानी सेवाप्रदायकहरुको एपमा समस्या आएको पुष्टि गरे।
उनले नेपालखबरसँग भने, ‘अनलाइन बैंकिङ सबैमा समस्या आएको होइन। टपअपलगायतका भुक्तानी सेवामा मात्रै समस्या आएको हो।’
प्रविधिक कारणले समस्या आएकोले त्यसलाई ‘फिक्स’ गर्ने काम भइरहेको दाहालले बताए।
प्रतिक्रिया