युनिकोड
जेनजी आन्दोलनका क्रममा काठमाडौँको जगन्नाथ देवल कारागारबाट भागेका कैदीलाई खोटाङबाट पक्राउ गरिएको छ।
उदयपुरका ५५ वर्षीय मन्दीप राईलाई खोटाङको हलेसी तुवाचुङ नगरपालिका-११ मंसिरेबाट पक्राउ गरिएको प्रहरीले जनाएको छ। लुकिछिपी बसेको सूचना पाएपछि गएको प्रहरी टोलीले उनलाई पक्राउ गरेको हो।
प्रहरीका अनुसार, उनी गत भदौ २३ र २४ गते भएको जेनजी आन्दोलनमा जगन्नाथ देवल कारागारबाट भागेका थिए। त्यतिवेला उनी आगजनी र ज्यान मार्ने मुद्दामा कैद भुक्ता गरिरहेका थिए।
उनलाई पक्राउ गरेर जिल्ला कारागार, खोटाङमा बुझाइएको प्रहरीले जनाएको छ।
प्रतिक्रिया