भारत जाँदै गरेका युवक ३७ वटा राहदानीसहित पक्राउ

भारतको नयाँ दिल्ली जाँदै गरेका युवक ३७ वटा राहदानीसहित पक्राउ परेका छन्। 

मंगलबार नेपाल एयरलाइन्सको विमानबाट दिल्लाी जाँदै गरेका सिराको धनगढीमाई नगरपालिका-१३ का ३८ वर्षीय अजित श्रेष्ठ पक्राउ परेका हुन्। सुरक्षा जाँचका क्रममा उनीसँग ३७ वटा नेपाली राहदानी भेटिएको त्रिभुवन अन्तर्राष्ट्रिय विमानस्थल सुरक्षा कार्यालयका प्रहरी उपरीक्षक राजकुमार सिलवालले जानकारी दिए। 

उनी रोमानियाको भिसा लगाउने भनेर राहदानीसहित भारत जाँदै गरेका थिए। थप अनुसन्धानका लागि राहदानीसहित उनलाई काठमाडौँ उपत्यका अपराध अनुसन्धान कार्यालयको जिम्मा लगाएको सिलवालले बताए।