युनिकोड
ई-सेवा ह्याक गरी रकम ठगी गरेको आरोपमा प्रहरीले एक जनालाई पक्राउ गरेको छ।
कपन प्रभागले महोत्तरी बर्दिबास नगरपालिका ५ घर भई हाल गोकर्णेश्वर नगरपालिका ५ बेसीगाँउ बस्ने २१ वर्षीय नवीन मगर भन्ने शिवबहादुर मगरलाई पक्राउ गरेको हो।
उनले रौतहट गरुणा नगरपालिकाप ४ घर भई हाल बूढानीलकण्ठ नगरपालिका-१० कपन साततले बस्ने प्रदीप साहको ई-सेवा ह्याक गरी ७५ हजार ५ सय रुपैयाँ ठगी गरेको आरोप छ।
साहले आफ्नो ई-सेवा आईडी ह्याक भएको भन्दै प्रहरीमा जाहेरी दिएका थिए। अनुसन्धानका क्रममा नविनले ह्याक गरेको खुलेपछि प्रहरीले उनलाई पक्राउ गरेको हो।
थप अनुसन्धान तथा कारबाहीका लागि उनलाई प्रहरी वृत्त बौद्ध पठाइएको छ।
प्रतिक्रिया