युनिकोड
जनकपुरस्थित एक होटलबाट पेस्तोल र गोलीसहित दुई युवक पक्राउ परेका छन्।
धनुषाको जनकपुर उपमहानगरपालिका-९ थापा चोकस्थित होटलबाट शनिबार दुई युवक पक्राउ परेको जिल्ला प्रहरी कार्यालयले जनाएको छ। पक्राउ पर्नेमा मुखियापट्टी मुसहरनिया गाउँपालिका-४ मुखियापट्टी का २० वर्षीय अमन यादव र हंसपुर नगरपालिका-६ सोनीगामा का १८ वर्षीय सुधिर मुखिया रहेका छन्।
प्रहरीका अनुसार, सुरक्षा जाँचका क्रममा उनीहरूको साथबाट काठको बिँड जडान गरिएको ‘इग्लर र्याप्टर’ लेखिएको पेस्तोल बरामद गरिएको हो। त्यससँगै ९ एमएमका एक राउन्ड र ७.६५ एमएमकेएफका चार राउन्ड गोली पनि बरामद गरिएको प्रहरीले जनाएको छ।
दुवै जनालाई जिल्ला प्रहरी कार्यालय, धनुषाको हिरासतमा राखिएको छ। यसबारे थप अनुसन्धान भइरहेको प्रहरीले जनाएको छ।
प्रतिक्रिया